افغانستانده خلق ارا همجمعیت گه قرشی ناراضیچیلیک نمایشی اوتکزیلدی

نمایشچیلر طالبان طرفداری شعارلر بیردی

1750599
افغانستانده خلق ارا همجمعیت گه قرشی ناراضیچیلیک نمایشی اوتکزیلدی

افغانستانده طالبان نینگ باشقروونی قولگه کیریتیب آلیشی نینگ آرتیدن خلق ارا یاردملرنینگ کیسیلیشی و ذخیره لرنینگ موزله تیلیشی پایتخت کابلده قاره لندی.

عبدالحق تورت یولیده ییغیلگن 600 اطرافیده اهالی قوللریده اسعار آلیب شعار بیردیلر و امریکا قوشمه ایالتلری تامانیدن بویوک ایلچی ایتیب ایش آلینگن کمپ گه قره ب یورودیلر.

نمایشچیلر طالبان طرفداری شعارلر بیرماقده لر. شونده ی بولیب امریکا قوشمه ایالتلری و خلق ارا همجمعیت نینگ اولکه گه قره ته یاردملرنینگ کیسیلیشینی و ذخیره لرنینگ موزله تیلیشینی قاره له دیلر.

بوتونله ی ایرککلردن تشکیل تاپگن بو مظاهره ده "پولیمیز بیزنینگ حقیمیزدیر"، "خلق آچلیک که قرشی سیسینی چیقرماقده. موزله تیلگن پولیمیزنی بیرینگ"، "دنیا افغانستانده انسانی فاجعه یوز بیریشینی خواهله یدی می؟ نیمه اوچون پولیمیزنی آزاد ایتمه یسیز"، "بیرلشگن ملتلر و انسان حقلری تشکیلاتلری کورماقچی بولمه گن افغانلربیز می؟"، "امریکاگه اولیم"، "افغانستان خلقی اقتصادی باسیم گه بویین ایگمه یدی" دیگن شعارلر بیردیلر.

بیرلشگن ملتلر تشکیلاتی کوره افغانستانده قیش فصلیده 22،8 میلیون کیشی نینگ جدی معناده آذیق – اوقات ییتمسلیگی گه دوچ قالیشی کوتیلماقده.

طالبان ییتکچیلری ایسه افغانستانگه قره ته خلق ارا یاردملرنینگ قیته دن باشله شینی خواهله یدی.



علاقه لی ینگی لیکلر