تورکیه تشقی ایشلر وزیری مولود چاووش اوغلی نینگ افغانستان توغریسیده گی سوز لری

تورکیه جمهوریتی تشقی ایش لر وزیری مولود چاووش اوغلی, تورکیه- قطر عالی ستراتیژیک کمیته سی 7- ییغیلیشی تشقی ایش لر وزیرلری تیارگرلیک جلسه سی گه اشتراک قیلیش اوچون دوحه گه تشریف بویوردی. 

چاووش اوغلی, دوحه ده قطرلیک کسبداشی شیخ محمد بن عبدالرحمن آل ثانی بیلن اورتاق مطبوعاتی کنفرانس ترتیب له دی. 

چاووش اوغلی بیرگن بیاناتیده, "منطقه مقیاسیده گی موضوع لر بوییچه دوست و قرداش قطر بیلن فکرداش میز.  افغانستان ده گی وضعیت نی جوده یخشی بیله میز. قطر همه دن یخشیراق بیله دی.  قطر نینگ افغانستانده تینچلیک و کیلیشوو نینگ تامین ایتیلیشی اوچون قنچه لیک سعی و حرکت قیلگن لیگی نی یقیندن بیلگن تامان لردن بیری میز" دییه قید ایتدی. 

چاووش اوغلی اوز سوز لری نی, "خلق ارا جامعه نینگ سیاست دن اوزاق بیر شکلده, افغانستان خلقی گه ییتیشتیریب بیریشی کیره ک. اوشبو خصوصده قطر و تورکیه نینگ حسیاسیتی نینگ مثال قیلیب آلینیشی کیره ک.  ایککی هفته کیین اسلام آبادده بولیب اوته دیگن اسلام همکارلیک تشکیلاتی تشقی ایش لر وزیرلری ییغیلیشیده هم خوددی شوو مسئله توغریسیده بحث ایته میز" شکلیده دوام ایتتیردی.  

چاووش اوغلی, تورکیه و قطر قیزیل یریم آی جمعیت لری نینگ یاردم لرنی ساحه ده افغانستان خلقی گه فعال بیر شکلده ییتیشتیریب بیرگن لیگی, ایکله اولکه نینگ باشقه یاردم لرنینگ ییتیشتیریلیب بیریلیشی بوییچه همکارلیک قیلیاتگن لیگی نی معلوم قیلدی.