طالبان تامانیدن خاتین - قیز حقلری اوچون بیر قرارنامه ترقه تیلدی

طالبان ییتکچیسی ملا هبت الله آخندزاده قیزلرنینگ تورموشلرینی اوزلری تنلشلری نینگ مککن ایکن لیگینی و میراث حقلریدن فایده لنیشلری نینگ ممکن ایکن لیگینی بیلدیردی.

طالبان سوزچیسی ذبیح الله مجاهد اوز تویتر آدرسی آرقه لی آخندزاده نینگ توروموش گه چیقیش و میراث موضوعلری بوییچه خاتین – قیزلر اوچون چیقرگن 6 ماده لیک قرارنامه نی ترقه تدی.

قرارنامه نینگ بیرینچی ماده سیده مجرد قیزلرنینگ تورموش گه چیقه دیگن پیتده رضایتی نینگ آلینیشی نینگ "شرط" ایکن لیگینی و هیچ کیم نینگ زوروانلیک بیلن قیزلرنی ایرگه بیریش گه حقی بولمه گن لیگینی اورغوله دی.

ایککینچی ماده ده "خاتین - قیز مال ایمس دیر. اصیل و ایرکین بیر انسان دیر. هیچ کیم اولرنی تینچلیک نی برقرار قیلیشی آتیدن ایریملرگه بیره آلمه یدی" دیب ایتدی.

افغانستانده بعضی بیر اربابلر ویا قوملر اورته لریده قان دعوالری ویا دشمنلیکلرنی اداغگه ییتکیزیش اوچون خصومتلی عایله لر بیلن قوده لیک قورماقده لر.  

اوچونچی ماده ایری نینگ وفاتی نینگ آرتیدن (4 کون 10 کون ویا حامله لیکدن کیین) ایری نینگ ایناغه سی ویا ایریم بیرته سی تامانیدن (بیوه خاتین) نی زوروانلیک بیلن تورموش گه آلالمسلیگی، خاتین نینگ تورموش گه چیقیش قراری نینگ اوز اختیاریگه ایکن لیگی اورغولندی.    

تورتینچی ماده ینگی ایرککدن مهر آلیش نینگ بیوه خاتین نینگ رضایتی گه ایکن لیگی بیلدیریلدی.

بیشینچی ماده ایسه خاتین نینگ اولگن ایریدن، باله لریدن، آته سیدن ویا ایریم قرداشلریدن قالگن میراث ویا ملک  که شریک ایکن لیگی اورغولنگن حالده "هیچ کیم بو حقدن اونی محروم قیله آلمه یدی" دیب افاده ایتیلدی.

آلتینچی ماده ده ایسه کوپ خاتینی بولگن ایرککلردن خاتینلری نینگ حقلریگه تن آلیشلری و خاتینلری آره سیده تبعیض قیلمسلیگی خواهلندی.

آخندزاده قرارنامه ده تذکر بیریلگن و دینی دایره ده بولگن لیگی بیلدیریگن تورلی حقلرنینگ نقصانسیز عملی قیلیشنی اوچون حکومت ارگانلریگه، دین آدملریگه و قوم ییتکچیلریگه کیره کلی آدیملرنی آتیشی توغریسیده بویروق بیردی.