تورکیه افغانستانلیک مهاجرلرنی غرق بولیشدن قوتقردی

یونان تامانیدن کلتکله نیب, پاسپورت, پول و باشقه قیمتلی نرسه لری آلینیب ایگه ی دینگیزی گه ترک ایتیلگن 44 نفر افغانستانلیک مهاجر تورکیه قیرغاق خوفسیزلیک کوچ لری تامانیدن غرق بولیشدن قوتقریلدی. 

ایتالیا گه کیتماقچی بولگن اوشبو مهاجر لر نینگ کیمه سی نینگ بوزیلگن لیگی سببلی یونان قیرغاق خوفسیزلیک کوچ لری دن یاردم طلب ایتدی. 

منطقه گه ییتیب بارگن یوناق قیرغاق خوفسیزلیک کوچ لری, ایگه ی دینگیزیده, مهاجر لرنینگ موجود بولگن کیمه نی باشقه بیر کیمه بیلن 6 ساعت تارتدی. 

مهاجرلر یونان قیرغاق خوفسیزلیک کوچ لری کیمه سی گه میندیریلدی.  کیین ایسه قوراللی و یوزیده ماسکی بولگن یونان قیرغاق خوفسیزلیک کوچ لری اوشبو مهاجر لرنی کلتکلب, پاسپورت, پول و باشقه قیمتلی نرسه لری نی قوللریدن تارتیب آلدی. 

یونان قیرغاق خوفسیزلیک کوچ لری اوشبو مهاجر لر نی کیچیک بیر قییقه میندیریب ایگه ی دینگیزی نینگ اورته سی گه تشلب کیتدی. 

مهاجر لرنینگ بقریش لری نی ایشیتگن تورک بلیقچی لر, وضعیت نی تورکیه قیرغاق خوفسیزلیک تیم لری گه بیلدیردی. 

تورکیه قیرغاق خوفسیزلیک کوچ لری اوشبو مهاجرلر نی غرق بولیشدن قوتقریب آلدی.