طالبان خاتین – قیزلرنینگ تلویزیونده چیقیشی گه بعضی بیر چیکلاولر کیریتدی

افغانستانده طالبان باشقرووی خاتین – قیزلرنینگ تلویزیونده کوریلیشینی بعضی بیر چیکلاو کیلتیردی.

امر بالمعروف و النهی عن المنکر وزیرلیگی تامانیدن بیریلگن بیاناتده اولکه ده گی تلویزیون کاناللریگه ینگی لایحه جونه تیلگن لیگی بیلدیریلدی.

بیاناتده تلویزیون کاناللریده خاتین – قیز نطاقلرنینگ اسلامی حجاب نی رعایت قیلیشی نینگ خواهلنگن لیگی قید ایتیلدی.

ینگی قاعده لر رعایت قیلینیشی تاکییدلنگن بیاناتده خاتین – قیزلر اورین آلگن سریال و تیاتر بیلن بیر قطارده اسلامی اساسلر و افغان قانونلریگه ضد هیچ بیر فلم و سریاللرنینگ هم نشر قیلینمسلیگی طلب ایتیلدی.

بیاناتده شخصلرگه قره ته حقارت نی اوز ایچی گه آلگن پروگراملرنینگ هم برطرف ایتیلیشی خواهلندی.

پیغمبر و صحابه لرنینگ رولینی عکس ایتتیرووچی درام و سریاللرنینگ نشر قیلینیشی منع قیلینگن لیگی تاکییدلنگن خوددی شو بیاناتده اولکه ده بعضی بیر تلویزیون کاناللری نینگ حلی هم اسلام اساسلری و افغان عنعنه لریگه ضد پروگراملر نشر قیلگن لیگی تذکر بیریلدی.