افغانستانده جمعه نمازی جریانیده بیر مسجدده پارتلش یوز بیردی
اوشبو حادثه شیعه همجمعیتی نینگ مسجدیده یوز بیرگن
1720210
افغانستانده طالبان نینگ مرکزی دیب اتلگن جنوبده گی قندهار ولایتیده جایلشگن شیعه همجمعیتی نینگ فاطمیه مسجدی گه ایککی ته خوکش هجومچی اویوشتیرگن هجوم عاقبتیده دستلبکی معلوماتگه کوره 30 کیشی اولدی 200 دن آرتیق کیشی یره لندی.
مسجدنینگ امنیتی مسؤلی مرتضی ظریفی معلومات بیریشیچه ولایت مرکزیده جایلشگن مسجدگه جمعه نمازی جریانیده پارتلش یوز بیرگن.
بو هجوم عاقبتیده 30 کیشی اولگن 200 دن آرتیق کیشی یره لنگن.
طالبان کوچلری مسجدنینگ برچه یوللرینی یاپیب قویدی.
اوتگن هفته اولکه نینگ شمالیده جایلشگن قندوز ولایتیده هم ینه شعیلرنینگ بیر مسجدیگه اویوشتیریلگن هجوم عاقبتیده 46 نفر حیاتینی یوقاتگندی.
هجوم نینگ مسؤلیتینی ترور تشکیلاتی داعش بوینی آلگندی.
