طالبان دنیا دولتلرینی افغانستان نینگ ایچکی ایشلریگه اره لشمسلیک که چقیره دی
طالبان حکومتی تشقی ایشلر وزیری امیرخان متقی، دنیا دولتلرینی افغانستان نینگ ایچکی ایشلریگه اره لشمسلیک که چقیردی
افغانستانده طالبان نینگ اوتیش دوری حکومتی نینگ "تشقی ایشلر وزیری اورینباسری" امیرخان متقی، دنیا دولتلرینی افغانستان نینگ ایچکی ایشلریگه اره لشمسلیک که چقیردی.
متقی، قطرده گی ماسترلیک فعالیتلری انستیتوتی توقنه شوو تیکشیروولر و انسانی حرکت مرکزی تامانیدن اویوشتیریلگن پروگرامده گپیردی.
"بیز هیچ کیم نینگ ایچکی ایشلریگه اره لشمه یمیز و ایریملردن هم خوددی شو معامله نی کوته میز. ایریم اولکه لردن افغانستانگه بیریله دیگن بویروقلر فایده ایتمه یدی" دیدی.
متقی، هیچ بیر دولت اره لشمه ی مستقل بیر حکومت قورگن لیکلرینی و افغانستان نینگ ینگی حکومت بیلن تینچلیک محیطی گه ایریشگنینی ایتدی. متقی برچه مملکتلر بیلن تینگ، قوشنی اولکه لر بیلن یخشی مناسبت قورماقچی ایکن لیکلرینی افاده ایتدی.
اروپا بیرلیگی بیلن هم یخشی مناسبت قورماقچی ایکن لیکلرینی اورغوله گن متقی، افغانستانلیک کوچمنلرنینگ اروپاگه یوک بولیشینی خواهله مه گن لیکلرینی و بونینگ هیچ کیم نینگ فایده سیگه ایمس ایکن لیگینی قید ایتدی.
افغانستان نینگ عرب و کورفز اولکه لری بیلن خاص مناسبت قورماقچی ایکن لیگینی هم تیلگه آلگن متقی شولرنی ایتدی:
"افغانستان خلقی اسلام عالمی نینگ مهم بیر پارچه سی و ینگی باسقیچده عرب و اسلام اولکه لری بیلن کوپریک ایجاد ایتیشیمیز کیره ک" دیب گپیردی.
متقی افغانستان تامانلری اورته سیده گی اوچره شوولرگه اوتگن ییللرده میزبانلیک قیلگن لیگی باعث قطرگه منتدارچیلیک بیلدیردی. دوحه ده امریکالیک ییتکچیلر بیلن 9-10 آکتوبرده بولیب اوتگن اوچره شوولر بیلن تیگیشلی ایسه "اولیملی" دیب بهالندیردی.
