قندوز ولایتیده پارتلش عاقبتیده 100 دن آرتیق کیشی حیاتی نی یوقاتگن

اوشبو مطلب نی کسلخانه مسئول لری بیلدیردی

1717002
قندوز ولایتیده پارتلش عاقبتیده 100 دن آرتیق کیشی حیاتی نی یوقاتگن

قندوز ولایتی سید آباد منطقه سیده شیعه لر نینگ مسجدی ده پارتلش یوز بیردی. اوشبو حادثه عاقبتیده 100 دن آرتیق کیشی نینگ حیاتی نی یوقاتگن لیگی بیلدیریلدی.   

طالبان سوزچیسی ذبیح الله مجاهد, پارتلش نینگ جمعه نمازی جریانیده یوز بیرگن لیگی نی معلوم قیلدی. 

بعضی کیشی لرنینگ حیاتی نی یوقاتگن لیگی و یره لنگن لیگی نی معلوم قیلگن مجاهد, طالبان کوچ لری نینگ حادثه محلی گه ییتیب بارگن لیگی و حادثه بیلن علاقه لی تیرگاو باشله تیلگن لیگی نی بیلدیردی. 

بیراق کسلخانه مسئول لری اوشبو حادثه عاقبتیده حیاتی نی یوقاتگن لر سانی نینگ 100 دن آشگن لیگی نی معلوم قیلدی. 

شاهد لر اوشبو حادثه نینگ انتحاری هجوم ایکن لیگی نی بیلدیردی. 

حاضرچه خوددی شوو حادثه نینگ مسئولیتی نی ایسه هیچ بیر تامان اوز بوینی گه آلمه گن. 

افغانستانده اوتمیشده شیعه لر گه قره تیلگن هجوم لرنینگ اکثریتی نی ترور تشکیلاتی داعش اوز بوینی گه آلگن ایدی. 



علاقه لی ینگی لیکلر