قندوز ولایتیده بیر مسجدده پارتلش یوز بیردی
محلی مسئول لر اوشبو حادثه عاقبتیده کوپلب کیشی نینگ حیاتی نی یوقاتگن لیگی و یره لنگن لیگی نی بیلدیردی
قندوز ولایتی سید آباد منطقه سیده شیعه لر نینگ مسجدی ده پارتلش یوز بیردی. اوشبو حادثه نینگ بعضی کیشی لرنینگ حیاتی نی یوقاتیشی و یره له نیشی گه سبب بولگن لیگی بیلدیریلدی.
طالبان سوزچیسی ذبیح الله مجاهد, پارتلش نینگ جمعه نمازی جریانیده یوز بیرگن لیگی نی معلوم قیلدی.
بعضی کیشی لرنینگ حیاتی نی یوقاتگن لیگی و یره لنگن لیگی نی معلوم قیلگن مجاهد, طالبان کوچ لری نینگ حادثه محلی گه ییتیب بارگن لیگی و حادثه بیلن علاقه لی تیرگاو باشله تیلگن لیگی نی بیلدیردی.
محلی مسئول لر اوشبو حادثه عاقبتیده بیش کیشی نینگ حیاتی نی یوقاتگن لیگی و 20 دن آرتیق کیشی نینگ ایسه یره لنگن لیگی نی معلوم قیلدی.
شاهد لر اوشبو حادثه نینگ انتحاری هجوم ایکن لیگی نی بیلدیردی.
حاضرچه خوددی شوو حادثه نینگ مسئولیتی نی ایسه هیچ بیر تامان اوز بوینی گه آلمه گن.
افغانستان اوتمیشده شیعه لر گه قره تیلگن هجوم لرنینگ اکثریتی نی ترور تشکیلاتی داعش اوز بوینی گه آلگن ایدی.
