احمد مسعود طالبان پنجشیر و اندرابدن چیققن حالده مذاکره قیلیش گه تیار ایکن لیکلرینی بیلدیردی

افغانستان نینگ پنجشیر ولایتی نینگ کنترولینی قولیگه توتیب تورگن گروپلرنینگ ییتکچیسی احمد مسعود طالبان نینگ کوچلرینی پنجشیر و اندرابدن چیقرگن تقدیرده مذاکره قیلیش گه تیار ایکن لیکلرینی ایتدی.

پایتخت کابلده گی افغانستان عالملر کینگشی نینگ تامانلرنینگ توقنه شوونی اداغگه ییتکیزیشلری و "مسلمان قانی توکیش نی توخته تیشلری" اوچون قیلگن چقیریق نینگ آرتیدن مسعود فیسبوک آرقه لی بیر بیانات ترقه تدی.

صلحانه ییچیم طرفداری ایکن لیکلرینی معلوم قیلگن مسعود "ملی مقاومت جبهه سی طالبان پنجشیر و اندرابده گی هجوملرینی و حربی عملیاتلرینی اداغگه ییتکیزگن حالده دایمی تینچلیک که باریش اوچون اوروشنی بیتکزیش گه تیار دیر. عالملر و ریفورمیستلر بولگن کینگ بیر جلسه ده برچه تامانلر قتنشگن مذاکره لرگه دوام ایتیش نی امید قیله میز" دیب ایتدی.

افغانستان خلقی نینگ کوپراغی نینگ مسلمان ایکن لیگینی ایسله تیب اوتگن مسعود، طالبان نینگ پنجشیر و تومنلریده "جهاد قیلیش نینگ" دینی و انسانی بیر معناگه کیلمه گن لیگینی تیلگه آلدی.

مسعود طالبان چیققن حالده اوزلری نینگ هم هجوم اویوشتیریشدن قول تارته جگینی بیلدیردی.

تاجیک ییتکچی نینگ چقیریغی گه طالبان گروهیدن حلی گچه جواب بیریلمه گن لیگی پنجشیرده سونگگی ایککی کوندن بیری دوام ایتیب تورگن توقنه شوولرده ایچلریده ولایت نی کنترول آستیگه آلگن گروپ نینگ سوزچیسی فهیم دشتی و قومندان عبدالودود هم بولگن یوزلب جنگری نینگ اولگن لیگی افاده ایتیلدی.

شونده ی بولیب طالبان افغانستان نینگ پنجشیر ولایتی نینگ کنترولینی بوتونله ی قولگه کیریتیب آلگن لیگینی بیلدیردی.

طالبان سوزچیسی ذبیح الله مجاهد تویتر آرقه لی بیرگن معلوماتده شولرنی ایتدی:

"دشمن نینگ سونگگی قلعه سی پنجشیر ولایتی هم بوتونله ی فتح قیلیندی" دیب ایتدی.

مجاهد نشر قیلگن یازمه بیاناتده پنجشیرنینگ قولگه کیریتیب آلینیشی بیلن اولکه مقیاسیده اوروش نینگ بوتونله ی اداغگه ییتیب بارگن لیگینی قید ایتدی.

مسعودنینگ ییتکچیلیگیده گی ملی مقاومت جبهه سی منطقه نی تسلیم بیرماقچی بولمه گن طالبان بیلن مذاکره قیلرکن کیلیشوو یوز بیرمه گندی.

پایتخت کابل گه 50 کیلومتر اطرافیده اوزاق بولگن پنجشیر ولایتی امریکا قوشمه ایالتلری نینگ 2001 ییلی اشغالی آلدی تومن ایدی. 170 مینگ اطرافیده نفوسی بوگن بو منطقه نینگ کتته قسمی تاجیکلردن عبارت.

کابل نینگ 2001 ییلی طالبان نینگ قولیدن آلینیشی گه کتته حصه قوشگن پنجشیر خلقی عموماً منطقه ده بیر رهبر تامانیدن باشقریلگن لیگی اوچون اوزلرینی بیر خودمختار کبی کورماقده لر.