طالبان گروهی ینه بیر ولایت مرکزی نینگ کنترولینی قولگه کیریتیب آلدی
حکومت کوچلری قولدن بیرگن ولایت مرکزی سانی 10 گه ییتدی
طالبان گروهی افغانستان حکومت کوچلری نینگ قولیدن ینه 1 ولایت مرکزی نینگ کنترولینی قولگه کیریتیشی بیلن حکومت قولدن بیرگن ولایت سانی 10 گه ییتدی.
غزنی ولایت کینگش باشلیغی نصیر احمد فقیری بیرگن بیاناتده اولکه نینگ جنوب ولایتلرینی پایتخت کابل بیلن باغلاوچی گذرگاهده جایلشگن تاریخی شهر بولمیش غزنی نینگ مرکزی نینگ بوتونله ی طالبان نینگ کنترولی گه توشگن لیگینی ایتدی.
فقیری خوفسیزلیک کوچلری نینگ ولایت مرکزینی ترک ایتیب چیققن لیگینی قید ایتدی.
طالبان گروهی سونگگی 7 کونده افغانستان حکومت کوچلری نینگ کنترولینی قولگه کیریتگن ولایت سانی 10 گه ییتدی.
توناون کونی هم اولکه نینگ شمالیده جایلشگن بدخشان ولایتی نینگ مرکزی فیض آباد شهری طالبان گروهی نینگ قولی گه توشگندی.
علاقه لی ینگی لیکلر
تورکیه تامانیدن بادغس عالی بیلیم یورتی گه سوو تازه لش تیزیمی قوروب بیریلدی
اوشبو پروژه عالی بیلیم یورتی و تورک ییتکچیلرنینگ قتنشیشی بیلن مراسم آرقه لی خذمت گه توشیریلدی