طالبان گروهی ینه بیر قطار تومن نینگ کنترولینی قولگه کیریتیب آلدی

افغانستان نینگ غزنی ولایتیده طالبان گروهی 3 ته تومن نینگ کنترولینی قولگه کیریتیب آلدی.

غزنی ملت وکیلی خداداد عرفانی مطبوعاتگه بیرگن بیاناتده تروریست جنگریلرنینگ غزنی نینگ خواجه عمری، واغظ و مقر تومنلریگه عین آنده هجوم اویوشتیرگن لیگینی ایتدی.

هجوملر عاقبتیده مذکور تومنلرنینگ کنترولینی طالبان گروهی نینگ قولگه کیریتیب آلگن لیگینی معلوم قیلگن عرفانی خوفسیزلیک کوچلری نینگ بو تمنلرنی ترک ایتیب چیققن لیگینی بیلدیردی.

عرفانی بونقه دوام ایتگن تقدیرده طالبان گروهی نینگ غزنی ولایتی نینگ کنترولینی بوتونله ی قولگه آلیشی بوییچه آگاهلنتیردی.

شونده ی بولیب افغانستان مدافعه وزیرلیگی اولکه نینگ شمالیده جایلشگن فاریاب ولایتی نینگ پشتونکوت و پروان ولایتی نینگ شینواری تومنلری نینگ طالبان نینگ قولیدن قیته ریب آلینگن لیگینی بیلدیردی.

سونگگی 24 ساعتده 14 ولایتده طالبان گروهی گه قرشی عملیات آلیب باریلگن لیگی افاده ایتیلگن خوددی شو بیاناتده عملیات نتیجه سیده 235 ته جنگری نینگ اولدیریلگن لیگی 161 ته جنگری نینگ یره لنگن لیگی قید ایتیلدی.

طالبان گروهی جوزا آیی نینگ سونگگی کونلریده اولکه نینگ شمالیده جایلشگن بلخ و سمنگان ولایتلریده ایککی ته تومن نینگ جاری آی نینگ باشیده بلخ ولایتی نینگ دولت آباد، شولگره و کیشیندی تومنلری نینگ کنترولینی قولگه کیریتیب آلگندی.

سونگگی 2 آیده طالبان گروهی نینگ کنترولی گه توشگن تومن سانی 45 گه ییتدی.

بیرلشگن ملتلر تشکیلاتی نینگ راپوریگه کوره طالبان شهر مرکزلری خارج اولکه توپراقلری نینگ 50 الی 70 فایزینی قولگه توتیب تورگن.