افغانستان نینگ شمالیده ینه بعضی بیر تومن نینگ کنترولینی طالبان گروهی قولگه کیریتیب آلدی

افغانستان نینگ شمالیده جایلشگن بلخ و بغلان ولایتلریده 4 ته تومن نینگ کنترولینی طالبان جنگریلری قولگه کیریتیب آلدی.

بلخ ولایت کینگشی وکیلی سید عبدالله مسرور مطبوعاتگه بیرگن بیاناتده جنگریلرنینگ بلخ ولایتی نینگ دولت آباد، شولگره و کیشیندی تومنلریگه عین آنده هجوم اویوشتیرگن لیگینی ایتدی.

خوددی شو 3 تومن نینگ کنترولی نینگ طالبان گروهی نینگ قولگه کیریتیب آلگن لیگینی معلوم قیلگن مسرور خوفسیزلیک کوچلری نینگ تومن مرکزینی تشلب قاچگن لیگینی افاده ایتدی.

بغلان ولایتی کینگشی وکیلی فیروزالدین ایماق هم بغلان نینگ جیلگه تومنی نینگ کنترولی نینگ طالبان گروهی نینگ قولگه کیریتیب آلگن لیگینی معلوم قیلدی.

طالبان گروهیدن بیریلگن بیاناتده ایسه 4 تومن نینگ کنترولی نینگ قولگه کیریتیب آلگن لیگی تایید ایتیلدی.

بیاناتده عین  دمده اولکه نینگ شمالیده جایلشگن جوزجان ولایتی نینگ خانقاه و فیض آباد تومنلریده کنترول نینگ قولگه آلینگن لیگی ادعا ایتیلدی.

توناون کونی هم اولکه نینگ شمالیده بلخ و سمنگان ولایتلریده 2 ته تومن نینگ کنترولی طالبان گروهی نینگ قولی گه تشوگندی.

 اولکه ده بیر تاماندن تینچلیک جریانی نینگ ناانیقلیگی دوام ایترکن بیر تاماندن هجوملر دوام ایتیب بارماقده.

سونگگی ایککی آیده اولکه مقیاسیده 30 آرتیق تومن طالبان گروهی نینگ کنترولی گه اوتگن وضعیتده.

بیرلشگن ملتلر تشکیلاتی نینگ راپوریگه کوره طالبان شهر مرکزلری خارج اولکه توپراقلری نینگ 50 الی 70 فایزینی قولگه توتیب تورگن.