طالبان جنگریلری نینگ هجومی عاقبتیده کوپلب کیشی جان بیردی

افغانستان نینگ شمال-شرق تامانیده جایلشگن بدخشان ولایتیده گی پولیس پوسته سیگه طالبان جنگریلری تامانیدن اویوشتیریلگن قوراللی هجوملرده 8 پولیس حیاتینی یوقاتدی.

بدخشان ولایت کینگشی وکیلی عبدالله ناجی نظری جنگریلرنینگ بدخشان نینگ زباک تومنی ریگ منطقه سیده گی پولیس پوسته سیگه قوراللی هجوم اویوشتیرگنینی ایتدی.

بو هجوم عاقبتیده 8 ته پولیس حیاتینی یوقاتگن لیگینی 2 ته پولیس نینگ یره لنگن لیگینی معلوم قیلگن نظری هجوم نینگ آرتیدن یوز بیرگن توقنه شوو عاقبتیده تروریست جنگریلرنینگ هم تلفات بیرگن لیگینی قید ایتدی.

بیراق موضوع بوییچه حلی گچه طالبان گروهی تامانیدن بیانات بیریلمه دی.

توناون کونی هم طالبان جنگریلری تامانیدن افغانستان نینگ شمالیده جایلشگن بغلان ولایتیده گی شکر فابریکه سیگه قوراللی هجوم اویوشتیریلیشی نتیجه سیده 2 ته خوفسیزلیک منسوبی حیاتینی یوقاتگندی.