اشرف غنی افغانستان خلقی نینگ اوروش و خشونتدن قوتیلیشی کیره ک لیگینی تاکییدله دی

غنی اوروش و خشونت نینگ افغانستان خلقی نینگ منفعتلریگه ضد ایکن لیگینی ایتدی

1611311
اشرف غنی افغانستان خلقی نینگ اوروش و خشونتدن قوتیلیشی کیره ک لیگینی تاکییدله دی

افغانستان جمهور باشلیغی اشرف غنی اوروش و خشونت نینگ افغانستان خلقی نینگ منفعتلریگه ضد ایکن لیگینی و بوندن قوتیلیش کیره ک لیگینی ایتدی.

غنی تاجکستان نینگ پایتختی دوشنبه ده اویوشتیریلگن آسیانینگ قلبی استانبول جریانی 9- وزیرلر کنفرانسیده قیلگن صحبتیده افغانستان گه تینچلیک نینگ تامین ایتیلیشی اوچون اورونیب تورگن اولکه لرگه اینیقسه تورکیه گه منتدارچیلیک بیلدیردی.

تینچلیک نینگ نه فقط بیر آرزو عین دمده شرط ایکن لیگینی معلوم قیلدی.

غنی جنابلری"افغانستان حکومتی و متفقلریمیز تینچلیک اورنه تیلیشی اوچون ییچیم یولی قیدیرماقده دیر" دیدی.

غنی افغانستانده تینچلیک نینگ اورنه شی نینگ منطقه ده برقرارلیک نینگ اورنه شی معناسیگه کیلگنینی ایتدی.

برقرار بیر افغانستان نینگ منطقه اولکه لری نینگ فایده سیده ایکن لیگینی تیلگه آلگن غنی اولکه ده خشونت نینگ اداغگه ییتیب باریشینی امید قیلگن لیکلرینی قید ایتدی.

اشرف غنی

"خلقیمیز 42 ییلدن بیری تینچلیکدن محروم قالگن. هر کونی وطن اوچون فداکارلیک قیلگن خلقیم، خوفسیزلیک و مدافعه کوچلریم ترتگن دردنی کلمه لر بیلن افاده ایتیش ممکن ایمس دیر. اوروش و خشونت افغانستان خلقی نینگ منفعتلریگه ضد دیر و بوندن قوتیلیشیمیز کیره ک" دیب ایتدی.

غنی افغانستان حکومتی نینگ تینچلیک امیدینی قولدن بیرمه گن لیگینی تاکییدله دی.



علاقه لی ینگی لیکلر