بلخ ولایتیده طالبان جنگری لری نینگ هجومی عاقبتیده سککیز پولیس حیاتی نی یوقاتدی

طالبان جنگری لری نینگ بلخ ولایتیده بیر پوسته گه هجوم اویوشتیریشی عاقبتیده 8 پولیس حیاتی نی یوقاتدی. 

بلخ ولایتی امنیه قوماندان لیگی نینگ سوزچیسی عادل شاه عادل, طالبان جنگری لری نینگ نهرشاهی تومنی شهرک ترکمنیه منطقه سیده بیر امنیتی پوسته گه قوراللی هجوم اویوشتیرگن لیگی نی معلوم قیلدی. 

حادثه عاقبتیده 8 پولیس نینگ حیاتی نی یوقاتگن لیگی و 4 پولیس نینگ ایسه یره لنگن لیگی نی معلوم قیلگن عادل, هجوم آرتیدن یوز بیرگن توقنه شووده 5 نفر طالبان جنگری سی نینگ اولدیریلگن لیگی و 7 جنگری نینگ یره لنگن لیگی نی بیلدیردی. 

طالبان گروهی تامانیدن بیریلگن بیاناتده اوشبو هجومده 12 عسکر نینگ جان بیرگن لیگی ادعا ایتیلدی.