اشرف غنی: افغانستانده 40 مینگدن آرتیق کیشی حیاتینی یوقاتدی

افغانستان جمهور باشلیغی اشرف غنی 2015 ییلیدن بوگونگچه اولکه مقیاسیده 40 مینگدن آرتیق کیشی نینگ اولگن لیگینی ایتدی.

غنی 9 جنوریده امریکا ترماغی بولمیش CNN تلویزیونی گه بیانات بیردی.

جمهور باشلیغی ایتیب سیلنگندن کیین اولکه مقیاسیده خشونت واقعه لری عاقبتیده 40 مینگدن آرتیق تینچ اهالی و خوفسیزلیک کوچلری منسوبی نینگ اولگن لیگینی بیلدیردی.

غنی بو جریانده ناتو چوکاتیده وظیفه قیله یاتگن امریکا قوشمه ایالتلری کوچلریدن 98 ته عسکرنینگ جان بیرگن لیگینی قید ایتدی.

طالبان بیلن افغانستان هیئاتی اورته سیده قطرنینگ پایتختی دوحه ده دوام ایتیب تورگن تینچلیک اوچره شوولریگه تیگینگن غنی جنابلری افغانستان خلقی نینگ اصلاً اوتمیشده گی قارانغو کونلرنینگ کیلیشینی خواهله مه گن لیگینی اورغوله دی.

غنی، افغانستانده دوام ایتیب تورگن 40 ییل لیک اوروش نینگ اداغگه ییتیب باریشی اوچون طالبان بیلن آلیب باریله دیگن احتمالی بیر کیلیشوونینگ هم منطقه اولکه لری همده خلق ارا همجمعیت نینگ کفالت قیلیشی کیره ک لیگینی قید ایتدی.

اقتدارنی سیلاوده یوتوق قازانگن ینگی باشقرووگه تسلیم بیرماقچی ایکن لیگینی معلوم قیلگن جمهور باشلیغی طالبان یانداشووی و توشونچه لری نینگ زوروانلیک بیلن قبول قیله دیگن بیر همجمعیت ایمس ایکن لیکلرینی تیلگه آلدی.   

اشرف غنی "بیز اولیملی و هر کیم تینگ بولگن بیر تینچلیک نینگ برقرار بولیشینی خواهله یمیز" دیدی.