بلخ ولایتی ده طالبان گروهی نینگ هجومی عاقبتیده کوپلب کیشی جان بیردی
اوشبو مطلب نی بلخ والیسی نینگ سوزچیسی بیلدیردی
بلخ والی سی نینگ سوزچیسی منیر احمد, طالبان نینگ اوشبو ولایتده بیر پوسته گه قره ته هجوم اویوشتیریشی عاقبتیده بیش نفر امنیتی پرسونل نینگ هلاک بواگن لیگی نی معلوم قیلدی.
سوزچی, یوز بیرگن توقنه شوو جریانیده طالبان نینگ هم تلفات بیرگن لیگی نی معلوم قیلرایکن, اوچ نفر امنیتی پرسونل نینگ ایسه طالبان نینگ قولیگه توشگن لیگی نی بیلدیردی.
باشقه بیر تاماندن ایسه کاپیسا ولایتی امنیه قوماندانلیگی نینگ سوزچیسی عبدالشایق شورش, اوشبو ولایت نینگ تگاب تومنی ده طالبان جنگری لری نینگ بیر پوسته گه قره ته هجوم اویوشتیریشی عاقبتیده 6 نفر امنیتی پرسونل نینگ جان بیرگن لیگی نی معلوم قیلدی.
شورش, یوز بیرگن توقنه شوو ده طالبان گروهی نینگ هم تلفات بیرگن لیگی نی بیلدیردی.
حاضرچه اوشبو خصوصده طالبان گروهی تامانیدن ایسه هیچ قنده ی بیر بیانات بیریلگن ایمس.
علاقه لی ینگی لیکلر
تورکیه تامانیدن بادغس عالی بیلیم یورتی گه سوو تازه لش تیزیمی قوروب بیریلدی
اوشبو پروژه عالی بیلیم یورتی و تورک ییتکچیلرنینگ قتنشیشی بیلن مراسم آرقه لی خذمت گه توشیریلدی