طالبان گروهی تامانیدن ایککی ایریم شهرده اویوشتیریلگن هجومده اونلب کیشی حیاتینی یوقاتدی

افغانستان نینگ شمالیده جایلشگن بلخ ولایتیده منفجره مواد اورنه تیلگن موتر آرقه لی اویوشتیریلگن هجوم عاقبتیده 3 کیشی حیاتینی یوقاتیب 41 کیشی یره لندی.

ملی مدافعه وزیرلیگی تامانیدن بیریلگن بیاناتده، هجومچی نینگ منفجره مواد اورنه تیلگن موتر آرقه لی بلخ تومنی مرکزی نینگ آماج قرار بیریلگن لیگی بیلدیریلدی.

بو هجوم عاقبتیده 2 ته سی تینچ اهالی 3 کیشی نینگ حیاتینی یوقاتگن لیگی 41 کیشی نینگ یره لنگن لیگی قید ایتیلدی.

بو هجوم نینگ شدّتی بیلن اطرافده گی بنالرگه ضرر یتگن لیگی تلفات سانی نینگ کوپه ییشیدن خواطرده ایکن لیگی افاده ایتیلدی.

هجوم نینگ مسؤلیتینی طالبان گروهی بوینی گه آلدی.

باشقه تاماندن غور ولایتی شهرک تومنیده جایلشگن حربی پوسته گه ترور تشکیلاتی طالبان جنگریلری تامانیدن اویوشتیریلگن قوراللی هجومده 8 نفر امنیتی پرسونل حیاتینی یوقاتدی.

غور والی لیگی سوزچیسی عارف عابر جنگریلرنینگ شهرک تومنیده گی امنیتی پوسته گه هجوم اویوشتیرگن لیگینی ایتدی.

عابر بو هجوم عاقبتیده 8 نفر امنیتی پرسونل نینگ حیاتینی یوقاتگن لیگینی 5 نفر امنیتی پرسونل نینگ یره لنگن لیگینی بیلدیردی.

هجوم نینگ آرتیدن تروریست جنگریلرنینگ پوسته نینگ کنترولینی قولگه آلگن لیگینی ایتدی.