بلخ ولایتیده طالبان گروهی نینگ قوراللی هجومی عاقبتیده 8 کیشی هلاکتگه اوچره دی

بلخ ولایتی امنیه قوماندان لیگی نینگ سوزچیسی عادل شاه عادل, طالبان جنگری لری نینگ, اوشبو ولایت نینگ بلخ تومنی گه باغلیق علم خیل منطقه سیده یول چیککه سی گه جایلشتیرگن منفجره مواد نی خوفسیزلیک کوچ لری موتری نینگ اوتیاتگن پیتده پارتله تیشی آرتیدن قوراللی هجوم اویوشتیرگن لیگی نی معلوم قیلدی.

حادثه عاقبتیده خوفسیزلیک کوچ لری دن 7 نفر و عادی اهالی دن بیر کیشی نینگ حیاتی نی یوقاتگن لیگی نی معلوم قیلگن سوزچی, 6 نفر عادی اهالی نینگ یره لنگن لیگی نی بیلدیردی. 

سوزچی, یوز بیرگن توقنه شووده جنگری لرنینگ هم تلفات بیرگن لیگی نی معلوم قیلدی. 

حاضرچه طالبان گروهی تامانیدن ایسه اوشبو خصوصده هیچ قنده ی بیر بیانات بیریلمه گن.