هلمند ولایتیده راکتی هجوم و پارتلش عاقبتیده اونلب کیشی اولدی

هلمند ولایتیده بیر بازارده راکتی هجوم و پارتلش عاقبتیده 23 نفر عادی اهالی حیاتی نی یوقاتدی. 

هلمند والی لیگی, سنگین تومنی کهنه بازار گه آلدین 4 راکت نینگ اصابت ایتگن لیگی و کیین آدم لر آره سیده منفجره مواد یوکلنگن بیر عراده موتر نینگ پارتله تیلگن لیگی نی بیلدیردی. 

دستلبکی معلومات لر گه کوره اوشبو حادثه عاقبتیده 23 نفر عادی اهالی هلاک بولگن و 15 نفر ملکی ایسه یره لنگن.

بیاناتده, اوشبو هجوم نینگ طالبان گروهی تامانیدن اویوشتیریلگن لیگی ادعا قیلیندی. 

حاضرچه اوشبو حمله نینگ مسئولیتی نی ایسه هیچ بیر تامان اوز ذمه سیگه آلگن ایمس. 

هلمند ولایتی نینگ سنگین تومنی نینگ بویوک بیر قسمی طالبان نینگ کنترولی آستیده.