خوست ولایتیده بیش نفر عادی اهالی اولدیریلدی

خوست ولایتی نینگ اسماعیل خیل تومنی ده نا انیق کیشی لر تامانیدن بیر اوی گه قره ته اویوشتیریلگن قوراللی هجوم عاقبتیده 5 کیشی هلاک بولدی. 

خوست ولایتی امنیه قوماندان لیگی نینگ سوزچیسی عادل حیدری, اوشبو تومن نینگ دیگان قشلاغی ده نا انیق کیشی لر تامانیدن بیری اوی گه قره ته قوراللی هجوم اویوشتیریلگن لیگی نی بیلدیردی.

حیدری, اوشبو حادثه عاقبتیده 5 نفر عادی اهالی نینگ جان بیرگن لیگی و 3 نفر ملکی نینگ ایسه یره لنگن لیگی نی معلوم قیلدی. 

هجومچی لرنینگ حادثه محللی دن قاچیب کیتگن لیک لری نی بیلدیرگن حیدری, حادثه بوییچه تیرگاو باشله تیلگن لیگی نی ایسله تیب اوتدی.

حاضرچه اوشبو هجوم نینگ مسئولیتی نی ایسه هیچ بیر تامان اوز ذمه سیگه آلگن ایمس.