طالبان گروهی بیلن افغانستان حکومتی اورته سیده آتشکیسین ایتیب اعلان قیلیندی

طالبان گروهی بیلن افغانستان حکومتی اورته سیده رمضان بیره می مناسبتی بیلن ایککی تامانلمه آتشکیسین ایتیب اعلان قیلیندی.

طالبان تامانیدن بیرلیگن بیاناتده، وطنداشلرنینگ تینچلیک ایچیده بیره م نی قوتلشی اوچون هییت کونلری دوامیده آتشکیسین ایتیب اعلان قیلگن لیکلری بیلدیریلدی.

اولکه مقیاسیده جنگریلرنینگ بو اوچ کون ایچیده هجوم اویوشتیرمسلیکلری اوروغولنگن بیاناتده، قرشی تاماندن هجوم یوز بیرگن تقدیرده جواب بیریله جگی تاکییدلندی.

عین دمده طالبان جنگریلری نینگ بیره م کونلری دوامیده کنترولی قوللریده بولگن منطقه دن تشقری چیقمس لیکلری قید ایتیلدی.

افغانستان جمهور باشلیغی اشرف غنی هم طالبان گروهی نینگ آتشکیسین قرارینی اولیملی کوتیب آلگن لیکلرینی و اوزلری نینگ هم رمضان بیره می دوامیده آتشکیسین قراری قبول قیلیب آلگن لیکلرینی معلوم قیلدی.

غنی اجتماعی میدیا ترماغی آرقه لی نشر قیلگن پیامیده خوفسیزلیک کوچلری نینگ هم خوددی شو شکلده بیره م کونلریده طالبان گه قرشی عملیات اویوشتیرمس لیگینی افاده ایتدی.