افغانستانده مسجدلرگه ترورچیلیک هجوملری اویوشتیریلماقده

افغانستان نینگ پروان و خوست ولایتلریده 2 مسجدگه اویوشتیریلگن قوراللی هجوملر عاقبتیده 11 کیشی حیاتینی یوقاتدی.

پروان والی لیگی سوزچیسی وحیده شهکار، مطبوعاتگه بیرگن بیاناتیده خلال زیی قشلاغیده کیم لیگی نامعلوم کیشی لر تامانیدن قوراللی هجوم اویوشتیریلگن لیگینی بیلدیردی.

شهکار بو هجوم عاقبتیده مسجدگه بارگن 8 کیشی تینچ اهالی نینگ حیاتینی یوقاتگن لیگینی 5 ته سی نینگ ایسه یره لنگن لیگینی ایتدی.

شهکار هجومچیلرنینگ قاچیب کیتگن لیگینی قید ایتدی.

خوست والی لیگی سوزچیسی طالب منگل هم صبری تومنی نینگ قورچاق قشلاغیده گی مسجدگه کیم لیگی نامعلوم کیشی لر تامانیدن اویوشتیریلگن هجوم عاقبتیده 3 کیشی تینچ اهالی نینگ حیاتینی یوقاتگن لیگینی بیر باله نینگ ایسه یره لنگن لیگینی ایتدی.

بو ایککی هجوم نینگ مسؤلیتینی حلی گچه هیچ کیم بوینی گه آلگن یوق.