بلخ ولایتیده طالبان گروهی تامانیدن هجوم اویوشتیریلدی

بلخ ولایتیده طالبان جنگری لری نینگ, پولیس پوسته سی گه قره ته هجوم اویوشتیریشی عاقبتیده 4 نفر امنیتی پرسونل حیاتی نی یوقاتدی. 

بلخ ولایتی امنیه قوماندان لیگی نینگ سوزچیسی عادل شاه عادل, جنگری لرنینگ بلخ نینگ بابه یوسف منطقه سیده گی پولیس پوسته سی گه قره ته قوراللی هجوم اویوشتیرگن لیگی نی معلوم قیلدی. 

عادل, اوشبو حادثه عاقبتیده 4 نفر امنیتی پرسونل نینگ حیاتی نی یوقاتگن لیگی و 7 نفر نینگ ایسه طالبان نینگ قولی گه توشگن لیگی نی بیلدیردی. 

اوشبو هجوم عاقبتیده قیسقه بیر مدت بیلن مذکور پوسته نینگ طالبان گروهی نینگ قولیگه توشگن لیگی نی معلوم قیلگن عادل, پوسته نینگ قیتریب آلینگن لیگی و هجوم آرتیدن باشله گن توقنه شوو لر ده طالبان نینگ هم تلفات بیرگن لیگی نی معلوم قیلدی. 

حاضرچه طالبان تامانیدن ایسه اوشبو خصوصده بیانات بیریلگن ایمس.