طالبان جنگری لری بلخ ولایتیده 7 نفر عادی اهالی نی اولدیردی

طالبان جنگری لری افغانستان نینگ شمالیده جایلشگن بلخ ولایتیده 7 نفر عادی اهالی نی آلیب قاچیریب اولدیردی. 

جنگری لر, شولگره تومنی نینگ جر های نهر سرخ قیشلاغی یشاوچی سی بولگن 7 نفر عادی اهالی نی آلیب قاچیریش لری آرتیدن آتیب اولدیردی. 

اولدیریلگن کیشی لر دن بیری نینگ بیر باله ایکن لیگی بیلدیریلدی. 

عینی دمده قندهار ولایتی نینگ دامان تومنیده راکت اصابت ایتیشی عاقبتیده 3 باله جان بیررایکن, 9 باله ایسه یره لندی. 

قندهار ولایتی امنیه قوماندان لیگی نینگ سوزچیسی جمال بارکزی, دامان تومنیده نا انیق بیر جای دن آتیلگن راکت مرمی سی نینگ بیر اوی گه اصابت ایتگن لیگی نی بیلدیردی. 

بارکزی, اوشبو حادثه عاقبتیده 3 باله نینگ جان بیرگن لیگی و 9 باله نینگ ایسه یره لنگن لیگی نی معلوم قیلدی.