بلخ ولایتیده حربی قطار گه قره ته طالبان جنگری لری تامانیدن هجوم اویوشتیریلدی

بلخ ولایتیده, طالبان جنگری لری تامانیدن حربی قطار گه هجوم اویوشتیریلیشی عاقبتیده ایککی کیشی هلاکتگه اوچره دی. 

بلخ ولایتی کینگشی نینگ باشلیغی افضل حدید, طالبان جنگری لری نینگ بلخ بیلن جوزجان اورته سیده گی یولده حربی بیر قطار گه قره ته هجوم اویوشتیرگن لیگی نی بیلدیردی.

اوشبو حادثه عاقبتیده بیر حربی بیلن بیر نفر عادی اهالی نینگ جان بیرگن لیگی نی بیلدیرگن حدید, هجوم آرتیدن باشله گن توقنه شوو لر جریانیده طالبان نینگ آغیر تلفات بیرگن لیگی نی معلوم قیلدی. 

طالبان تامانیدن ایسه حاضرچه اوشبو حادثه بیلن علاقه لی هیچ قنده ی بیر بیانات بیریلگن ایمس.