افغانستانده باله لرنینگ تلفات سانی اوتگن ییل گه قره گنده انچه کوپه ییب بارگن

افغانستانده میلادی جاری ییل نینگ 9 آیی جریانیده اولگن ویا معیوب بوگن باله لر سانی اوتگن ییل گه نظراً 11 فایز کوپه یگن.

اوزاق ییللردن بیری قوراقلیک و ایچکی اوروش باعث افغانستان باله لر اوچون دنیانینگ اینگ خوفلی اولکه لریدن بیرته سی بولگن.

بیرلشگن ملتلر تشکیلاتی باله لرنی قولب – قوتلش فندی یونسیف (UNICEF) راپوریده، افغانستانده 2019 – ییل نینگ 9 آیی دوامیده هرکون اورته چه 9 باله نینگ حیاتینی یوقاتگن لیگی ویا معیوب بولیب قالگن لیگی بیلدیریلدی.  

مذکور راپورده باله لر اولیمی و جراحت آلیش حادثه لری نینگ کوپراق کابل، ننگرهار، پکتیا، هلمند و قندهار ولایتلریده موجود ایکن لیگی قید ایتیلدی.

افغانستانده 2 میلوین باله نینگ ییترسیز و ساغلیق سیز تغذیه باعث تورلی کسل لیکلر بیلن کوره شماقده ایکن لیگی، مملکتده گی اوروشلرنینگ تاثیری قالدیریشی باعث انچه باله نینگ روحی کسل لیککه دوچ کیلگن لیگی افاده ایتیلدی.