خوست ده اونلب کیشی یره لندی

افغانستان نینگ خوست ولایتیده یوز بیرگن انفجار عاقبتیده اونلب کیشی جان بیردی یاکه یره لندی. 

اوشبو حمله بوگون ایرته لب ساعت 6 ده یعقوبی اولسواللیگیده ملی اردو حربی لری نینگ مرکزی گه قره ته اویوشتیریلدی. 

خودی منه شوو حمله ده منفجره مواد یوکلنگن بیر عراده موتر دن استفاده ایتیلدی. 

اوشبو حادثه عاقبتیده بیر حربی جان بیررایکن, اونلب کیشی ایسه یره لندی. 

آلینگن معلومات لر گه کوره, اوشبو انفجار نینگ تاثیری بیلن تیگره ک ده گی اوی لرنینگ شیشه لری سینیب کیتدی. 

شاهد لر, اوی لری حادثه محللی گه یقین بولگن کوپلب کیشی نینگ یره لنگن لیگی نی بیلدیررایکن, ایریم اوی لرنینگ جدی بیر شکلده خساره مند بولگن لیگی بیلدیریلماقده. 

موجود خبر لر گه کوره, اوشبو انفجار حادثه سی آرتیدن حادثه محللیده فیر سیسی هم ایشیتیلگن. 

طالبان سوزلاوچیسی ذبیح الله مجاهد اوشبو حمله نینگ مسئولیتی اوز بوینی آلر ایکن, مرکز ده 70 حربی نینگ موجود ایکن لیگی نی بیلدیریب اوشبو کیشی لرنینگ کوپچیلیگی نینگ جان بیرگن لیگی یاکه یره لنگن لیگی نی معلوم قیلدی.