جوزجان ده توقنه شوو حادثه سی یوز بیردی

جوزجان ده توقنه شوو حادثه سی یوز بیردی

افغانستان نینگ شمال تمانیده جایلشگن جوزجان ولایتی قوش تپه اولوسوال لیگیده تروریست گروهی طالبان بیلن خوفسیزلیک کوچلری آره سیده توقنه شوو حادثه سی یوز بیرگن لیگی کوپ سانده تلفات نینگ موجود ایکن لیگی بیلدیریلدی. شمال ده جایلشگن 209 نچی قول اردو قومندان لیگی سوزلاوچیسی محمد رضا رضائی خوفسیز لیک کوچلری نینگ قوش تپه اولوسوال لیگی نینگ چقمه – چقور منطقه سیگه عملگه آشیرگن عملیات جریانیده تروریست گروهی بیلن توقنه شوو حادثه سی یوز بیرگن لیگینی و 3 کیشی تروریست بیلن 1 کیشی خوفسیزلیک اعضاسی نینگ یره لنگن لیگینی بیلدیردی. رضائی عین دمده ایکّی عراده موترسایکیل قولگه کیریتیلگن لیگینی و توقنه شوونینگ دوام ایتیب تورگن لیگینی معلوم قیلدی.

اداره چیلر ایسه جوزجان ولایتی آقچه اولوسوال لیگی نینگ چاقوش منطقه سیده یوز بیرگن توقنه شوو حادثه سی نتیجه سیده 2 کیشی محافظ نینگ اولگن لیگینی 2 کیشی نینگ ایسه ییتگن لیگینی بیلدیرماقده دیر.

طالبان گروهی ایسه اولگن ویا یره لنگن خوفسیزلیک اعضالری نینگ سانینی 24 کیشی ایکن لیگینی اداع ایتماقده دیر. قوش تپه ده ایسه اوتگن کون طالبان تمان اویوشتیریلگن هجوم نتیجه سیده 9 کیشی اولگن ایدی.