امریکا تشقی ایشلر وزیری اسرائیل مدافعه وزیری بیلن سوزله شدی

امریکا قوشمه ایالتلری تشقی ایشلر وزیری آنتونی بلینکن, تلفن آرقه لی, اسرائیل مدافعه وزیری یوآف گالانت و اوروش کابینه سی اعضاسی بنی گانتز بیلن سوزله شدی.

امریکا تشقی ایشلر وزیرلیگی تامانیدن بیریلگن بیانات گه کوره, بلینکن اوشبو صحبتده, گالانت و گانتز بیلن اولکه سی نینگ اسرائیل نینگ خوفسیزلیگی بوییچه تعهدی و اسرائیللیک اسیر لرنینگ قویب یوباریلیشی اوچون آلیب باریلیاتگن مذاکره لر حقیده گپیردی. 

آتشکیسین نینگ زودلیک بیلن تامین ایتیلیشی و بشری یاردم لرنینگ ییتکزیب بیریلیشی کبی موضوع لر حقیده بحث ایتیلگن صحبتلرده بلینکن, منطقه ده گی بحران نینگ آزه یتیریلیشی بوییچه تدبیر لرنینگ اهمیتی گه دقت قره تدی. 

بلینکن, گانتز بیلن بولگن صحبتیده غزه ده گی بحران نینگ منطقه گه کینگ قولاچ یاییب کیتیشی نینگ آلدی نینگ آلینیشی حقیده هم گپیردی.