کنیاده تیک اوچر قولب توشدی؛ قوراللی کوچلر قوماندانی حیاتینی یوقاتدی

کنیاده بیر تیک اوچر نینگ قولب توشیشی عاقبتیده قوراللی کوچ لر قوماندانی فرانسیس اوگولا و 10 نفر حربی پرسونل نینگ حیاتینی یوقاتگن لیگی بیلدیریلدی.

جمهوررئیسلیک تامانیدن بیریلگن بیاناتگه کوره, حادثه عاقبتیده قوراللی کوچلر قوماندانی اوگولا و 10 حربی پرسونل نینگ حیاتینی یوقاتگن لیگی و 2 عسکر نینگ ایسه یره لنگن لیگی معلوم قیلیندی. 

جمهوررئیس ویلیام روتو بیرگن بیاناتیده, تیک اوچر نینگ اوچیشی دن قیسقه بیر مدت کیین قولب توشگن لیگی نی معلوم قیلرایکن, تلفات اوچون جوده خفه بولگن لیگی نی بیلدیردی. 

حادثه نینگ توناون محلی وقت بیلن ساعت 14.20 ده یوز بیرگن لیگینی بیلدیرگن روتو, هوا کوچ لری نینگ خوددی شوو واقعه نینگ سببی نی انیقلش اوچون حادثه محلی گه هیئت یوبارگن لیگینی معلوم قیلدی. 

روتو, اوشبو حادثه سببلی کنیاده 3 کون ملی ماتم اعلان قیلینگن لیگینی بیلدیردی.