تورکیه تشقی ایشلر وزیری هالند گه تشریف بویوره دی

تورکیه جمهوریتی تشقی ایشلر وزیری خاقان فیدان, ایرته گه هالند گه تشریف بویوره دی. 

تشقی ایشلر وزیرلیگی تامانیدن بیریلگن بیاناتده, خاقان فیدان نینگ, هالندلیک کسبداشی هانکه برونس اسلات بیلن اوچره شه دیگن لیگی بیلدیریلدی.

اوچره شووده, تورکیه نینگ اروپا اتفاقی اعضالیگی, گمرک بیرلیگی نینگ ینگی له نیشی و تورک وطنداش لری نینگ ویزه سیز بیر شکلده سفر قیلیشی بوییچه شرایط نینگ تامین ایتیلیشی کبی موضوع لر حقیده بحث ایتیله دی. 

فیدان, هالند ده گی تورک لر نینگ وضعیتی و اوتمیشده اوشبو اولکه ده قرآن کریم گه قرشی قیلینگن حرمتسیزلیک لرنی هم کون ترتیبی گه کیلتیره دی. 

عینی دمده, تروریزم گه قرشی کوره ش و اوشبو موضوع بوییچه تورکیه نینگ کوتیاتگن نرسه لر هم هالند تامانی گه بیلدیریله دی. 

اسرائیل نینگ فلسطین گه قره تیلگن هجوملری, اوکراین و قبرس کبی یقین منطقه ده گی مسئله لر هم کینگ کولملی بیر شکلده اوشبو اوچره شوو نینگ کون ترتیبیده اورین ایگلله یدی.