زلنسکی روسیه نینگ 300 مینگ حربی سفربر قیلگن لیگینی ادعا ایتدی

اوکراین دولت باشلیغی ولودیمیر زلنسکی روسیه نینگ 1 جولایدن اعتباراً 300 مینگ حربی سفربر قیلگن لیگینی ادعا ایتدی.

 زلنسکی، فینلند باش وزیری بیلن اویوشتیرگن مشترک مطبوعاتی کنفرانسده،

" روسیه نینگ 1 جولایدن اعتباراً 300 مینگ حربی سفربر قیلگن لیگینی ایتیشیم ممکن." دیب ایتدی.

ویروستکه گزیته سی هم خارکوف گه تعروض اوچون 300 مینگ عسکرنینگ سفربر ایتیلیشیدن خبر بیرگندی. گزیته دولت باشلیغی و مدافعه وزیرلیگی گه یقین بیر منبع گه بناً "ریجه لرگه کوره نوبتده خارکوف بار. بیراق شهر ساغلم قاله دی. بو ایسه شهرنینگ تیگره گینی اوگیریب آلیش بیلن ممکن. 330 مینگ گه احتیاج بار. شونده ی بولیب 2.0 سفربرلیگی اوچون تیارگرلیک بولدی." دیب یازگندی.

روسیه فدراسیونی دولت باشلیغی مطبوعات کاتبی دیمیتری پیسکوف ایسه زلنسکی نینگ بیاناتینی رد ایتدی.

دولت دوماسی مدافعه کمیته سی باشلیغی اندری کرته پولوف اوکراین دولت باشلیغی نینگ سوزلرینی :"سفربرلیک که احتیاجیمیز یوق، قوراللی کوچلریمیزنینگ عسکر آلیشی گه تیگیشلی سیستمی جوده یخشی فعالیت قیلماقده." دیب گپیردی.