بلینکن: ترور تشکیلاتی داعش حلی هم توغریدن توغری بیر تهدید دیر

امریکا قوشمه ایالتلری تشقی ایشلر وزیری انتونی بلینکن ترور تشکیلاتی داعش نینگ حلی هم توغریدن توغری بیر تهدید ایکن لیگینی ایتدی.

انتونی بلینکن پایتخت واشنگتن ده عراق باش وزیری اورینباسری و تشقی ایشلر وزیری فواد حسین بیلن اوچره شووی چاغیده ژورنالیستلرگه بیانات بیردی.

بلینکن عراق نینگ منطقه نینگ برقرارلیگی جهتیدن حساس اهمیت گه ایگه ایکن لیگینی تاکییدلب " داعش نینگ حلی هم توغریدن توغری بیر تهدید ایکن لیگینی بیلیشیمیز کیره ک." دیدی.

امریکالیک وزیر "اوزاق ییللردن بیری بو تهدیدگه جواب بیریش و اونی مهم درجه ده یوق قیلیش اوچون بیز آلیب بارگن جوده یخشی فعالیتلر بولگن حالده فقط بیر نیچه کون آلدین روسیه ده گی قورقینچ هجوم، بیزگه داعش نینگ کوچینی قوریقلش گه دوام ایتگن لیگینی کورستدی." دیب ایتدی.

شونده ی بولیب جمعه کونی مسکوده گی هجومده حیاتینی یوقاتگنلر اوچون ماتم توتگن لیکلرینی تیلگه آلدی.

امریکا قوشمه ایالتلری تشقی ایشلر وزیری انتونی بلینکن،

"بو بیزنینگ داعش گه قرشی کوره ش گه دوام ایتیشیمیز و اونینگ قیته دن تیریلمه گن لیگیدن امین بولیشیمیز کیره ک لیگی اوچون بختسیز بیر ایسله توودیر." دیب ایتدی.

عراق باش وزیر اورینباسری و تشقی ایشلر وزیری فواد حسین هم مسکوده گی هجوم نی قاره لب اولکه سی نینگ بو ترور تشکیلاتی گه قرشی کورستگن کوره ش گه دقت تارتدی.