آلمان ده یوزبیرگن یانغین عاقبتیده کوپلب کیشی اولیب یره لندی

آلمان نینگ سولینگن شهریده 4 قواتلی بناده یوزبیرگن یانغین عاقبتیده 2 ته سی باله توپلم 4 کیشی حیاتینی یوقاتدی 9 کیشی یره لندی.

پولیس باشقرمه سی تامانیدن بیریلگن بیاناتده، هوشَید منطقه سیده گی ایسکی بیر بناده سببی انیقلنمه گن بیر یانغین یوزبیرگن لیگی بیلدیریلدی.

اطفائیه باشقرمه سی تامانیدن بیریلگن بیاناتده، 4 قواتلی بنانینگ ایککینچی قواتیده یوزبیرگن یانغین عاقبتیده اوست قواتده گی اویلریده یاتگن بیر عایله دن 2 ته سی باله توپلم 4 کیشی نینگ حیاتینی یوقاتگن لیگی 2 ته سی آغیر 9 کیشی نینگ یره لنگن لیگی معلوم قیلیندی.

یانغین نینگ آرتیدن 21 کیشی نینگ بنادن چیقریلگن لیگی بیلدیریلگن بیاناتده توتوندن تاثیرلنگن کوپلب کیشی نینگ تداوی آستیگه آلینگن لیگی قید ایتیلدی.  

پولیس باشقرمه سی بنا اهالیسی نینگ کیملیگی حقیده معلومات بیرمه دی بیراق منطقه اهالیسی اولگنلرنینگ بلغاریا وطنداشی ایکن لیگینی تیلگه آلدی.

یانغین حقیده تیرگاو باشله تیلگن لیگی افاده ایتیلدی.