ترور تشکیلاتی پ.ک.ک ینه بیر قیز باله نی آلیب قاچیردی

بولووچی ترور تشکیلاتی پ.ک.ک/وای پی جی, سوریه نینگ حلب ولایتیده اشغال ایتگن عین العرب تومنیده, قوراللی کیشی لری گه قوشیب آلیش اوچون 15 یاشلی بیر باله نی آلیب قاچیردی. 

مخالف کُرد گروپ نینگ سوزچیسی ریدور الاحمد, حلب ولایتی نینگ عین العرب تومنیده 15 یاشلی قیز باله نینگ پ.ک.ک/وای پی اعضاسی ترورچی لر تامانیدن آلیب قاچیریلگن لیگینی بیلدیردی. 

الاحمد, بولووچی ترور تشکیلاتی نینگ, آلیب قاچیرگن باله لرنینگ عایله لری بیلن ارتباط قوریش لری نی توسیب قویگن لیگینی معلوم قیلدی. 

پ.ک.ک/وای پی جی, آلیب قاچیرگن باله لر بیلن یاشلرنی, تعلیم بیریش اوچون سوزده تعلیم کمپ لری گه انتقال ایتدیرماقده. 

ترور تشکیلاتی, 10- مارچ کونی هم حلب ولایتیده اشغال ایتگن منبج تومنیده, قوراللی کیشی لری آره سی گه قوشیش اوچون ینه 14 یاشلی بیر باله نی آلیب قاچیرگن ایدی. 

بیرلشگن ملتلر تشکیلاتی, پ.ک.ک/وای پی جی نینگ میلادی 2022- ییلده 1200 دن آرتیق باله نی آلیب قاچیریب اوروشیش گه مجبور قیلگن لیگینی بیلدیرگن ایدی.