نایجریاده اویوشتیریلگن هجوم عاقبتیده اونلب کیشی حیاتینی یوقاتدی

نایجریانینگ نیجر ایالتیده اویوشتیریلگن قوراللی هجوم عاقبتیده حیاتینی یوقاتگنلر سانی 66 نفرگه ییتدی.

محلی مطبوعات تامانیدن شاهدلرنی منبع کورستیب بیریلگن خبرلرده، 21 مارچ تاریخیده نیجرگه باغلیق مداکا منطقه سیده موترسایکللیک بیر قطار قوراللی هجومچی تامانیدن اویوشتیریلگن قوراللی هجوم نینگ آرتیدن فعالیتلرنینگ دوام ایتیب تورگن لیگی بیلدیریلدی.

خوددی شو هجوم عاقبتیده حیاتینی یوقاتگنلر سانی 66 نفرگه ییتگن لیگی شونده ی بولیب حلی هم اونلب کیشی نینگ لادرک ایکن لیگی قید ایتیلدی.

نیجر ایالتی خوفسیزلیک باشقرمه سی باشلیغی بیلو محمد، هجوم نینگ آرتیدن منطقه گه خوفسیزلیک کوچلری نینگ سوق ایتیلگن لیگینی و حادثه گه تیگیشلی تیرگاو باشله تیلگن لیگینی تیلگه آلدی.

مداکا منطقه سیده دستلبکی معلومات گه کوره منطقه باشلیغی بیلن بیر قطارده 21 کیشی حیاتینی یوقاتیب اونلب کیشی آلیب قاچیریلگندی. کمیده 50 اوی اوتگه بیریلگن اوشبو هجوم بیلن منطقه اهالیسی نینگ آذیق – اوقات محصوللری غصب ایتیب آلینگندی.

نایجریا، تورلی منطقه لرده قوراللی جنگریلر قاله ویرسه بوکوحرام و داعش نینگ ترماغی ISWAP کبی ترور تشکیلاتلریگه قرشی کوره ش آلیب بارماقده.

اولکه ده، جزاسی اعدام بولگن حالده پول آلیش اوچون انسانلرنی آلیب قاچیریش حادثه لریگه قول اورماقده لر.

قوراللی کیشیلر عموماً اولکه نینگ جنوبیده جایلشگن قیشلاقلرنی، مکتبلرنی و یولاوچیلرنی آماج قرار بیریب پول طلب ایتماقده.