مسکوده اویوشتیریلگن قوراللی هجوم عاقبتیده حیاتینی یوقاتگن کیشی لر سانی آرتدی

روسیه پایتختی مسکوده گی کروکس بلدیه سی بناسیده جمعه کونی اویوشتیریلگن ترورچیلیک هجومیده حیاتینی یوقاتگن کیشی لر سانی 137 نفر گه ییتدی. 

روسیه تیرگاو کمیته سی, هجومده حیاتینی یوقاتگن کیشی لر سانی نینگ 137 نفر گه ییتگن لیگینی بیلدیررایکن, اولگن کیشی لردن 3 نفری نینگ باله ایکن لیگینی معلوم قیلدی. 

مذکور کمیته تامانیدن بیریلگن بیاناتده, حادثه بیلن علاقه لی تیکشیرو لرنینگ دوام ایتیاتگن لیگی و حاضرگه چه 62 جسد نینگ کیملیگی نینگ انیقلنگن لیگی بیلدیریلدی. 

عینی دمده اوشبو حادثه بیلن علاقه لی قولگه آلینگن 11 کیشی دن 4 نفری, مسکوده محکمه گه آلیب باریلدی. 

اوشبو مظنون لردن تاجیکستان وطنداشی بولگن دلیرجان  میرزایف, سید اکرم مرادعلی رجب علی زاده, فریدون شمس الدین و محمد صابر فیض اف نینگ 22 – می گه قدر قماقده بولیشی گه قرار قیلیندی.