ترور تشکیلاتی پ.ک.ک اعضاسی تورت نفر ترورچی یوق قیلیندی

عراق نینگ شمالیده گی قندیل منطقه سیده بولووچی ترور تشکیلاتی پ.ک.ک اعضاسی 4 نفر ترورچی یوق قیلیندی. 

تورکیه جمهوریتی ملی مدافعه وزیرلیگی تامانیدن بیریلگن بیاناتده, تروریزم نی منبعی ده یوق قیلیش اوچون عملیات لرنینگ توختاوسیز دوام ایتیاتگن لیگی بیلدیریلرایکن, "عراق نینگ شمالیده گی قندیل منطقه سیده انیقلنگن ترور تشکیلاتی پ.ک.ک اعضاسی تورت نفر ترورچی, هوا کوچلری میز تامانیدن یوق قیلیندی.  عملیاتلری میز توختاوسیز روشده دوام ایته دی" دییه قید ایتیلدی. 

عینی دمده تورکیه جمهوریتی ملی استخبارات اداره سی هم قیدیروده بولگن ترور تشکیلاتی پ.ک.ک/وای پی جی نینگ سوزده مسئوللریدن بیری بولگن "سیدو" لقبلی ترورچی خلیل تیکین نی سوریه نینگ قمیشلی منطقه سیده اویوشتیرگن بیر عملیات بیلن یوق قیلدی. 

میلادی 2007- ییلده ترور تشکیلاتی پ.ک.ک/وای پی جی گه قوشیلگن, سوریه و عراقده ترورچیلیک فعالیت لری یوریتگن تیکین نینگ, اوزی دیک ترور تشکیلاتی اعضاسی بولگن آته سی ابراهیم تیکین نینگ هم میلادی 1992- ییلده تورکیه قوراللی کوچلری تامانیدن اویوشتیریلگن بیر عملیاتده یوق قیلینگن لیگی بیلدیریلدی.