سومالیاده بیر هوتل گه ترورچیلیک هجومی اویوشتیریلدی

سومالیاده ترور تشکیلاتی الشباب پایتخت موگادیشوده بیر هوتل گه منفجره مواد و قوراللی هجوم اویوشتیریلگن لیگی بیلدیریلدی.

جمهور رئیسلیک سرایی گه یقین بیر جایده جایلشگن هوتل گه قره ته اویوشتیریلگن هجوم نینگ آرتیدن توقنه شوو یوزبیرگن لیگی معلوم قیلیندی.

اوشبو هجوم پیتیده هوتل ده بولگن حکومت سوزچیسی فرحان محمد جماله، اوست مقام پولیس ییتکچیلریدن عبدی حمید عبداللهی فناکس بیلن کوپلب ملت وکیلی و ژورنالیست نینگ یره لنگن لیگی قید ایتیلدی.

محلی ییتکرمه ده اورین آلگن خبرلرده بعضی بیر ملت وکیللرنینگ حیاتینی یوقاتگن لیگی ادعا ایتیلدی.

ترور تشکیلاتی الشباب اوشبو هجوم نینگ مسؤلیتینی اوز بوینی گه آلرکن حکومت تامانیدن حلی گچه بیانات بیریلگن یوق.

حکومت ییتکچیلری هردایم جلسه سینی هجوم اویوشتیریلگن خوددی شو هوتلده اویوشتیرماقده ایدی.