پوتین انگلستان بیلن روسیه اورته سیده گی کیلیشوونی بیکار قیلیب تشله دی

روسیه دولت باشلیغی ولادیمیر پوتین انگلستان بیلن 1956 ییلی قول قوییلگن بلیقچیلیک بوییچه کیلیشوونی بیکار قیلیب تشله دی.

ولادیمیر پوتین قول قویگن قرارنامه بیلن انگلیس بلیقچیلرنینگ روسیه نینگ بارنتس دینگیزی قیرغاقلریده بلیق آولشلری منع قیلیب قوییلدی.

انگلستان بیلن سوویتلر بیرلیگی اورته سیده 1956 ییلی قول قوییلگن کیلیشوو دایره سیده انگلس بلیقچی کیمه لری نینگ روسیه نینگ بارنتس دینگیزی نینگ بعضی بیر منطقه لریده بلیق آولشلری گه رخصت بیریلگندی.

اوشبو کیلیشوو سوویتلر بیرلیگی پارچه لنیب کیتگن حالده انگلستان بیلن روسیه اورته سیده حلی گچه دوام ایتماقده ایدی.

روس پارلمانی نینگ آست قنادی دومانینگ باشلیغی ویاچسلاو ولودین اوتگن آی بیرگن بیاناتیده انگلس لرنینگ 68 ییلدن بیری روس بلیغی ییگن لیگینی معلوم قیلیب "ایندی لاغر بولسینلر. عقللنسینلر" دیب گپیرگندی.