اوچووچیلر پرواز پیتیده اوخلب قالدی

اندونزیاده بیر اوچاق نینگ اوچووچیلری پرواز چاغیده یریم ساعت اوخلب قالگن لیگی یوزه گه چیقدی.

اندونزیا دولت خبر آژانسی انتارا خبر بیریشیچه، 25 جنوریده اندونزیاده کنداریدن پایتخت جاکارتاگه قره ب کیته یاتگن اوچیش پیتیده هم پیلوت همده یاردمچی اوچووچی عین آنده 28 دقیقه اوخلب قالگن.   

اوچووچیلر اوخلب قالیشی طفیلی اوچاق اوز یولیدن اده شیب کیتگن.

ملی ترانسپورت خوفسیزلیک کینگشی دستلبکی راپورده، اوشبو اچاقده 153 یولاوچی و 4 ته اوچاق ملازمی بارلیگی و هیچ قنده ی زیان ییتمه گن لیگی بیلدیریلدی.

راپورگه کوره، اوچاق کنداریدن اوچوب نورما ارتفاعی گه ییتگندن کیین بیرینچی اوچووچی یاردمیسیدن رخصت آلیب دم آلرکن، اوچاقنی یاردمچی اوچووچی تسلیم آلگن.

بیراق قونیش گه 90 دقیقه قالگنده یاردمی اوچووچی هم اوخلب قالگن و قریب یریم ساعت اوچاق اوز باشیگه یول آلگن.

راپورده ایککینچی اوچووچی نینگ بیر آیلیک ایگیز چقلاغی سی بارلیگی و تورموش اورتاغی نینگ چقلاقلرنی باقیش اوچون یاردم سوره گن لیگی طفیلی اویقیسیز قالگن لیگی بیلدیریلدی.

حادثه گه تیگیشلی تیرگاو باشله تیگن لیگی قید ایتیلدی.