آلمان دولتی روسیه نینگ تهدیدی گه جواب قیتردی

آلمان تشقی ایشلر وزیرلیگی سوزچیسی کریستیان واگنر مطبوعاتی کنفرانسیده بیر ژورنالیست نینگ سوالی گه جواب بیریب روسیه فدراسیونی تشقی ایشلر وزیرلیگی سوزچیسی ماریا زهاراوه نینگ سونگگی بیاناتینی بهالندیردی.

"بو کبی بیاناتلرنی ایلک مرته ایشیتمه یمیز. بو کبی تهدیدلر تاثیرلنمه یمیز. روسیه تامانی بیرگن بیاناتلر اوزلریگه باغلیق." دیب گپیردی.

آلمان حکومتی رسمی سوزچیسی ولفگانگ بوشنر ایسه زهاراوه نینگ سوزلرینی "بی معنا" ایتیب بهالندیردی.

آلدین ماریا زهاراوه، آلمان حربیلر اورته سیده بولگن و قیریم کوپریگی گه احتمالی بیر هجومنی اوز ایچیگه آلگن صحبت نی شو سوزلر بیلن بهالندیرگندی.

"آلمان نازیلردن حلی گچه تمیزلنگن یوق. آلمانلر وضعیت نی توزه تمه گن تقدیرده آلمان اوچون وضعیت قورقینچ بوله دی." دیگندی.

بو کون ترتیبیده ییره ب کیترکن آلمان دولت باشلیغی اولاف شولز هم بلکه آلمان حربیلری نینگ یاردمی کیره ک بولگن تقدیرده تاوروس راکتلری نینگ کیف گه بیریلیش احتمالی گه مخالفت قیلدی.