امریکا قوشمه ایالتلری مدافعه وزیری: اسرائیل نینگ هجوملریده مینگلب عیال  و باله حیاتینی یوقاتدی

امریکا قوشمه ایالتلری مدافعه وزیری لوید آستین, 7- اوکتوبردن بیری غزه ده "اسرائیل تامانیدن 25 مینگ دن آرتیق عیال و باله نینگ اولدیریلگن لیگینی" قبول قیلدی. 

آستین, نماینده لر مجلسیده گی بیر ییغیلیشده اشتراک قیلیب, اسرائیل نینگ عیاللر و باله لرنی اولدیرگن لیگی بیلن علاقه لی سئوال گه جواب قیتردی. 

دموکرات حزبی نینگ کالیفرنیا وکیلی رو کانا نینگ, "حرمتلی وزیر, 7- اوکتوبر دن بیری اسرائیل تامانیدن نیچه نفر عیال و باله اولدیریلدی؟" شکلیده گی سئوالی گه آستین, "25 مینگ دن آرتیق" دییه جواب بیردی.

عینی دمده اوشبو وکیل بیرلشگن ملتلر تشکیلاتی انسان حق لری عالی کمیسارلیگی نینگ اسرائیل گه قورال یوباریش نینگ خلق ارا حقوققه ضد ایکن لیگی بوییچه بیاناتی نی ایسله تیب, امریکا قوشمه ایالتلری نینگ 7- اوکتوبر دن بیری اسرائیل گه قنچه باشقریله دیگن قورال یوبارگن لیگینی سوره دی. 

اسرائیل گه یوباریلگن قورال مقداری نی انیق ایسله مه گن لیگینی معلوم قیلگن آستین گه جواب قیترگن کانا, امریکا قوشمه ایالتلری نینگ سونگّی 5 آیده اسرائیل گه 21 مینگ دن آرتیق باشقریله دیگن قورال یوبارگن لیگینی بیلدیردی. 

اسرائیل نینگ 7- اوکتوبر دن بیری دوام ایتیاتگن غزه گه قره تیلگن هجوملریده 30 مینگ دن آرتیق فلسطینلیک حیاتینی یوقاترایکن, 70 مینگ دن کوپ کیشی ایسه یره لندی.