اروپا پارلمانی غزه اوچون ایلک مرته عاجل آتشکیس چقیریغی قیلدی

اروپا پارلمانی اسرائیل هجوملرینی دوام ایتتیرگن غزه اوچون ایلک مرته "عاجل آتشکیس" چقیریغی قیلدی.

اروپا پارلمانی جلسه سیده "دنیاده انسان حقلری و دموکراسی نینگ وضعیتی بیلن اروپا اتفاقی نینگ بونگه قره ته پولیتیکاسی" توغریسیده تیارلنگن 2023 راپوری، 265 قبول، 253 رد و 10 طرفسیز رای بیلن قبول بولیب چیقدی.

اروپا پارلمانیده گی چپگرا گروپ اعضالری اوزگرتیریلیشینی طلب ایتگن راپورنینگ 62 ماده سیگه "غزه ده عاجل و دایمی آتشکیس چقیریغی" کیریتیلدی.

اوزگریش کیریتیب تصدیقلنگن ینگی راپورده "اروپا اتفاقی گه اعضا، اعضا اولکه لرگه و خلق ارا همجمعیت گه، غزه نواریده، برچه نینگ بی ملال آذیق – اوقات و سوو قولگه کیریتیشی اوچون عاجل و دایمی بیر آتشکیس چقیریغی قیلینه دی" دیگن افاده اورین آلدی.  

شونده ی بولیب اروپا پارلمانی اسرائیل هجوملرینی دوام ایتتیرگن غزه اوچون ایلک مرته "عاجل آتشکیس" چقیریغی قیلدی. 18 جنوریده قبول بولیب چیققن قرارده "دایمی آتشکیس" برچه اسیرلرنینگ آزاد ایتیلیشی و حماس نینگ تصفیه ایتیلیش شرطی گه باغلنگندی.

اسرائیل نینگ غزه نواریگه 7 اکتوبردن بیری آلیب بارگن کوچلی هجوملریده کوپراغی باله لردن عبارت 30 مینگدن آرتیق فلسطینلیک حیاتینی یوقاتدی.