اردوغان نینگ روسیه بیلن اوکراین اورته سیده گی اوروش حقیده گی سوز لری

تورکیه جمهوریتی جمهوررئیسی رجب طیب اردوغان, 2 ییل گه تولگن روسیه بیلن اوکراین اورته سیده گی اوروش توغریسیده بیرگن بیاناتیده, "تینچلیک نینگ اورنه تیلیشی اوچون آلدین باشله تیلگن استانبول مذاکره لری نینگ قیته باشله تیلیشی گه تیارمیز" دییه قید ایتدی. 

اردوغان, اوکراین - جنوبشرقی اروپا رهبر لر ییغیلیشی گه یوبارگن ویدیویی پیامیده, تورکیه نینگ اوکراین نینگ مستقللیگی, حاکمیتی, خوفسیزلیگی و توپراق بوتونلیگی نی حمایت قیلیاتگن لیگینی بیلدیررایکن, قیریم تاتار لری نینگ حق و منفعت لری نینگ قورینیشی اوچون هر خیل سعی و حرکت نی قیلگن لیگی نی ایسله تیب اوتدی. 

اردوغان, اوروش نینگ توخته تیلیب عادلانه و قالووچی بیر تینچلیک نینگ اورنه تیلیشی اوچون دیالوگ و دیپلماسی گه اهمیت بیریلیشی کیره ک ایکن لیگینی بیلدیررایکن, " تینچلیک نینگ اورنه تیلیشی اوچون آلدین باشله تیلگن استانبول مذاکره لری نینگ قیته باشله تیلیشی گه تیارمیز. اوشبو دایره ده اورتاق جغرافیه میز بالکانلرده, جنوبشرقی اروپا اولکه لری همکارلیک پروسه سی بیلن عملی بولگن بیردملیک روحی نینگ یقین جغرافیه میزده هم بولیشی نی آرزو قیلماقده من" دییه قید ایتدی. 

اردوغان, اوشبو رهبر لر ییغیلیشی گه میزبانلیک قیلیاتگن آلبانیا باش وزیری ایدی راما داخل ییغیلیش نینگ ترتیب له نیشی گه حصه قوشگن همه گه اوز تبریک لرینی بیلدیردی.