زلنسکی بیلن محمد بن سلمان اوزارا اوچره شوو اوتکزدی

اوکراین دولت باشلیغی ولودیمیر زلنسکی سعودی عربستان ولیعهد شهزاده سی محمد بن سلمان بیلن اوچره شدی.

سعودی عربستان خبر آژانسی SPA خبر بیریشیچه، زلنسکی بیلم همراهیده گی هیئات نی پایتخت ریاض ده جایلشگن خلق قرال خالد هوا قونلغه سیده ریاض امیری اورینباسری شهزاده محمد بن عبدالرحمن بن عبدالعزیز کوتیب آلگن.

العربیه تلویزیون ترماغی زلنسکی نینگ تشریفی دایره سیده ولیعهد شهزاده محمد بن سلمان بیلن ملاقات قیلگن لیگینی خبر بیرماقده.

خوددی شو اوچره شووده اوزارا مناسبت اوستیده باش قاتیریلگن لیگی و "روسیه – اوکراین بحرانی" گه ییچیم یوللری اوچون همکارلیک نینگ کوچه یتیریلیشی، دیالوگ امکانلری نینگ تیلگه آلینگن لیگی قید ایتیلدی.

زلنسکی می آییده هم سعودی عربستان گه سفر اویوشتیرگندی.

ریاض، روسیه بیلن اوکراین اورته سیده گی بحران گه ییچیم ویا اسیر المه شووی موضوعلریده رول آلگندی.

روسیه ده پارلمان نینگ آست ترماغی دولت دوماسی باشلیغی ویاچسلاو ولودین هم آلدینگی کونی ریاض ده ولیعهد شهزاده بن سلمان بیلن اوچره شوو اوتکزگندی.