جی7 اولکه لری ییغینی بولیب اوته دی

امریکا قوشمه ایالتلری، آلمان، کانادا، فرانسه، انگلستان، ایتالیا و جاپان دن عبارت جی7 اولکه لری نینگ ییتکچیلری نینگ روسیه – اوکراین اوروشی باشلب کیتیشی نینگ 2 – ییل لیگی 24 فبروری تاریخیده ویدیو کنفرانس آرقه لی ییغین اوتکزیشیدن خبر بیریلدی.

ایتالیا باش وزیرلیگی تامانیدن بیریلگن بیاناتده، جی7 ییتکچیلری نینگ ایتالیانینگ دور رئیسلیگی نینگ بیرینچی ییغینی نینگ ویدیو کنفرانس آرقه لی روسیه نینگ اوکراین گه هجومی بیلن 2022 ییلی 24 فبروری تاریخیدن باشلب کیتگن اوروش نینگ 2- ییل لیگیده اویوشتیریلیشی بیلدیریلدی.

ایتالیا باش وزیری جورجیا ملونی نینگ باشچیلیگیده بولیب اوته دیگن جلسه گه اوکراین دولت باشلیغی ولودیمیر زلنسکی نینگ هم قتنشیشی کوتیلماقده.  

ایتالیانینگ دور رئیسلیگیده دستلبکی یوزمه یوز جی7 ییغینی 13-15 جون تاریخلریده اولکه نینگ جنوب – شرق تامانیده جایلشگن پوگلیا منطقه سیده بولیب اوته دی.