تورکیه تشقی ایشلر وزیری برازیلده بولیب اوته دیگن ییغیلیشده غزه ده گی وضعیت توغریسیده گپیره دی

تورکیه جمهوریتی تشقی ایشلر وزیری خاقان فیدان, 21- و 22- فبروری کونلریده برازیلده بولیب اوته دیگن جی 20 تشقی ایشلر وزیرلری ییغیلیشیده, غزه ده گی وضعیت گه دقت قره تیب, خلق ارا جامعه نی ینه بیر بار عاجل آتشکیسین و بشری یاردم گه چقیره دی. 

اقتصادی جهت دن اینگ کوچلی اولکه لرنینگ اورین آلگن جی 20 ییغیلیشی دایره سیده تورکیه نینگ, اسرائیل نینگ غزه گه قره ته 7- اوکتوبر دن بیری دوام ایتیاتگن هجوملری, روسیه نینگ 2 ییلدن بویان اوکراین نی اشغال قیلگن لیگی و خلق ارا رهبرلیکده گی کمچیلیک لر کبی موضوع لر حقیده بیره دیگن پیام لری جوده کتته اهمیت گه ایگه. 

برازیل, جی 20 نینگ حاضرگی دور باشلیغی صفتیده دستلب تشقی ایشلر وزیرلری ییغیلیشی نی اوتکزه دی. 

سونگی پیتلرده گی جیوپلتیک بحران لرنینگ برازیل نینگ بونده ی قرار قیلیشی گه سبب بولگن لیگی تخمین ایتیلماقده. 

دیپلماتیک منبع لر نینگ بیرگن معلوماتی گه کوره, فیدان, برازیلده بولیب اوته دیگن "عادلانه بیر دنیا قوریش و دوام ایتدیریله آله دیگن دنیا" عنوانی گه ایگه جی 20 تشقی ایشلر وزیرلری ییغیلیشیده اشتراک قیله دی. 

فیدان نینگ, اوشبو ییغیلیش دایره سیده ایریم جی 20 اولکه لری تشقی ایشلر وزیرلری بیلن اوچره شیشی و مکسیکو, اندونزیا, کوریا, تورکیه و آسترالیا تشقی ایشلر وزیرلری 25- ییغیلیشیده اشتراک قیلیشی کوتیلماقده. 

جی 20, دنیا ده گی بحران لر گه بیر ییچیم یولی نینگ تاپیلیشی بوییچه بحث ایتیلیشی جهتی دن یخشی بیر فرصت اوله راق بهالنتیریلماقده.